الرسوم المسيئة للرسل

 

حابب أوضح أربع نقط فيها سوء تفاهم كبير بين مجموعتين، لو الأربع نقط دي تمام معاك مش لازم تكمل الهري اللى كنت فاكر انك تعرفه، ولو عاوز تعرف المشكله إيه كمل البوست وضيع وقتك:

1.     المقاطعه وحبك للنبي الكريم مفيش مخلوق جاهل أو عالم مسلم أو غير مسلم يقدر يعلق عليه بحرف ابدأ دي حرية شخصيه في أكلك و كمان دفاعا عن عقيدتك.

2.     نية العبد يعلمها الله وحده، ويحاسبه الله وحده عليها.

3.     الرسول الكريم لم يأمر بقتل غير المؤمنين به، بل إنه أراد الرحمه لكل العالمين، لعله يؤمن أحد منهم قبل موته بثواني معدوده.

4.     المؤمنون كل آمن بالله وملائكته وكتبه ورسله لا نفرق بين أحد من رسله.

اومال لما كلنا بنحب الرسول و مفيش إختلاف ف المقاطعه ومتفقين في كل ده ، اومال فين الإختلاف؟

الاختلاف ياعزيزي ليس إلا في فهم القضية من الاساس وكيفية التعامل معها :

قضية رسم الرسول الكريم بدأت منذ القدم وكانت المشكله الرئيسيه هي مش الاساءه لشكله الكريم أكثر منه خوفا أن يتم تقديس الصور أو التماثيل وتعبد وتعلق على الرقاب وفي المنازل ويعود الناس للأصنام مره أخري و يتم نسيان الله عز وجل وتقديس رسوله فقط. أما الرسول شكلا و تفصيلا موصوف في كثير من الكتب ، وكان يرسم تشكيليا بدون وجه، إحتراما إن محدش يعرف يجيب تفاصيل وجهه الكريمه وممكن نحكي للصبح في محاولة رسم الرسول في العصور القديمة والوسطي.

ده مش موضوعنا ، موضوعنا هو رسم كاريكاتير ساخر و هزلى وقليل الأدب و قبيح في كل الأعراف عن نبي الإسلام فبالتالى ممكن تكلف نفسك دقيقه وتبص بصه سريعه هنا ( https://) عشان تعرف ازاى بدأ موضوع السخريه في العصر الحديث بالتواريخ والاحداث واللى انا شايف تطوره شخصيا من أيام تفجير برج التجارة العالمي.

دلوقتي أكيد عرفت إن الموضوع بيتكرر من وقتها و انتشر أكتر ف 2005 وكل مره حاله قتل واتنين و الموضوع يزيد وهكذا ، وبقالنا يامؤمن 15 سنه في هذا الفشل الزريع وجيل بيسلم جيل ونفس النبره ونفس رد الفعل ولا فيه اعتذارات بتتعمل وكل الدول بتشجب وتقاطع ومفيش صور بتتمسح وماليه النت وكلف نفسك وابحث واتفرج عن صور الرسول الكريم من 2005 واللى متأكد إنك عرفت وقتها بس كان لسه حزق  الفيس بوك وفتحة الصدر عالنت مبدأتش اوووي.

طيب لما تسألني وإشمعني بيحاربو الإسلام بس ، هقولك إفتح الصور دي حالا قبل ماتكمل قرايه إذا سمحت ، وبعدها مباشرة قوللى حسيت بإيه؟ ( https://)

لو محستش بحاجه فعليا ولا اتدايقت نهائي والموضوع عادي بالنسبالك زي اى صور كاريكتير يبقي أصلا فكرة الرسوم المسيئة للرسل والأنبياء مش في دماغك ومجرد الزيطه بس هي اللى سخنتك.

أما لو إتعصبت وحميتك غلت وكرهت مجلة شارلى ابدو  وإتمنيت إزالتها من الكوكب يبقي أنت فاهم دينك كويس ولا تفرق بين أحد من رسل الله زي ماتفقت معايا في نقطه 4 وهتدافع عن السيدة مريم عليها السلام أطهر نساء الكون واللى لها سورة كامله بالقرآن و هتدافع برضه عن سيدنا موسي وعيسي عليهم السلام. وياريت تسال مشايخك اللى بتسمعلهم، ليه متكلموش عن كل الرسومات المسيئة لكل الأنبياء وفرقو بينهم مع انهم قالو سمعنا وأطعنا ؟؟؟؟

هتقولى طيب ليه المجله دي وغيرها بيعملو كده ؟

ببساطه شويه علمانيين وملحدين لا يعترفو بأي دين ولا رسل ولا وجود إله من الاساس ، فبيحبو يتريقو على أي شيء في الكوكب ، وابحث هتلاقيهم ناشرين تريقه على موتي زلزال في إيطاليا و على الطائره الروسية اللى اتفجرت في مصر ، وطبعا كل الدول زينا كده وأهالى الضحايا مظاهرات والخ. وطبعا الدول دي فيها الحاد وعلمانيه وحرية تعبير يعني لو رفعت قضيه المحكمة مش بتنظر اليها عشان ده مبدأ عنده كدوله.

وبالنسبه للمدرس اللى اتدبح ، هو أصلا ملوش دخل بالموضوع ، دي حصة حرية تعبير زي التعبير بتاعنا بس بشكل مختلف ، عرض الصور اللى المجلات ناشراها واللى حطيتلك صورة منها من كل الديانات ومنها الإسلام. راح طالب قتله وساب اللى رسمها واللى نشرها ، ولولا  ده حصل مكنش سيادتك هتسمع عن الموضوع أصلا اللى بيتكرر في اى حصه أو مناسبه لحرية الرأي والتعبير من 15 سنه.

الدول دي حضرتك هي الدنمارك، ألمانيا، هولندا، فرنسا ، النرويج ، وهتقوللى المقاطعه تؤتي ثمارها هقولك كانت جابت من 15 سنه بس برضه اهو اضعف الايمان وياريت تقاطع الخمس دول ، لان ده مبدأ علمانيه أكتر من 5 دول أوروبية . ودي مجلات وجرايد ومفيش قانون يقدر يجبرهم يخرسو ولا حتي حكومتهم.

ايه الحل ؟

الحل ان كل الهجوم يكون على أساس تجريم السخريه من الأديان وضم المسيحين ويبقي مطلب عالمي لأصحاب الديانات بعدم المساس بأي صورة من الصور بأي طريقه قانونية حقوقيه حسب المختصين، لكن حزق وبزق بدون فهم المشكله .... وفداك أبي وأمي و أموالى ولن أعيش بعد اليوم والجو ده ، وكل واحد مشوفتوش حتي قام من بيته وراح شك واحد فرنسي في وسطه بدبوس ف أقرب سفاره وضحي باسبوع سجن وشغال نفاق ورياء بكلام بالاب والام والمال ، حقي بصراحه اني انتقد الحزق ده وانا عارف ناس بالاسم متجوزين ومخلفين وشغالين يحزقو برضه والمتصفح فيه بورنو لمؤخذه.

دي كل القصه واسف لو خرجت عن شعوري ... بس ده لأني شايل المراره بجد من قريب ....وربنا يتقبل من الجميع النيات و يجعلنا ندافع عن النبي بجد ... مش نحزق ورا اللي بيسيسو القضيه.

المشاركات الشائعة من هذه المدونة

أحبها يا رأفت

صورة
  - أنا اعتذر لها يارأفت يوميا !! ولكنها مثل قطعة الثلج لا تحرك ساكنا ، فقط قطرات بارده تذوب منها  فلا تروي عصفورا .   - إذن فلترحل يا سمير !! فقد مضي وقت الرجوع ،   إن روحها   ياولدي لا تستطيع تحمل طقسك المتقلب ، فهذه القصة إنتهت قبل أن تبدأ .   - أنا لا أعتذر لها بسبب طقسي المتقلب فهذه حقيقتي ، ولكن بسبب إني سيء بالحب ، وبالرغم من ذلك فقد أحببتها بكل ما أملك من سوء ، و كنت أعتقد إنها ستري السوء بداخلي وتحوله لسكون بجمال روحها ،،  أنت لا تفهم ما اقصد يارأفت..   - ههه لا أفهم !! ، يالك من سيء و مسكين يا سمير، انها ليست والدتك يافتي فتعتقد أن شعورها سيدوم ، قال لي جدك قبل أن أتزوج والدتك : إن قلوب النساء مثل الأشجار أو الشواطيء ، كلاهما يجذب العشاق، فالاشجار تدبل و تزهر، وتظل أغصانها تجابه كل أنواع الطقس ، أما الشواطيء ياولدي فرمالها تتغير مع أمواج الشتاء، فأي منهما هي تكون ؟   - لا أعلم يارأفت فلم أمعن النظر كثيرا ، فقط رأيت منها شعاعا مضيئا أعمي قلبي ، فلا أجزم انها أغصان مزهره من ضوء الشمس ، أم أمواج عاتيه حجبت السحاب، فقط ...
قراءة المزيد

عشاق المترو

  بالأمس ركبت المترو ذاهبا لمتابعة الطبيب بمصر الجديدة .. وأنا احمل بين أفكاري هموم الحياة والعمل والمستقبل ..   وما أن وصل المترو محطته التاليه حتي دخل ذلك الشاب العشريني الوسيم وهو يمسك بيد فتاة عشرينية فائقة الجمال ..   يضغط علي يديها بقوة وتري ذلك ببساطه من خلال تلاحم أصابعه الشديده على يديها التي شارفت على التفسخ مع ملاحظة التلاصق الرهيب بينهم ..   يملك ذلك الشاب رادار استطلاع شديد الحساسيه يمكنه من الشعور باقتراب اى ذئب بشري في نطاق ملليمترات معدودة .. ليقوم لا اراديا بالالتفاف حول محبوبته وإفساح مكان لها بأى ركن بالعربة كي يحميها من أوغاد المترو ومصاصي الدماء .. فمن الوهلة الأولي تتذكر (ليوناردو دي كابريو) يمسك بيد (كيت وينسليت) في فيلم تيتانك لينقذها من السقوط في المياه المتجمدة ...   وما يجعل الموقف فكاهيا أن ركاب المترو جميعا بالنسبة له هم ذئاب محتملين الى ان يثبتو العكس .. وفي الواقع قد تعودت تلك الذئاب على مساعدة العشاق دائما في إفساح الطريق وتوفير ملاذ آمن لهم  .. ويكأنهم ينفون التهمة عن أنفسهم .. أما الفتاه فلا تحرك ساكنا الا بضغطة واح...
قراءة المزيد

المشاعر ونظرية التطور

  منذ فترة صغيره ... احس صديقي هذا بشعور مؤلم يهز كيانه وكاد ان يقصف به فحاولت تهدئته بجميع الكلمات .. ولكنه قال انه يحبها حبا جما ... فلماذا تتركه وحيدا .. ومن وقتها عكفت على فهم أصل المشاعر والعواطف ... ولماذا تتملكنا كل تلك التغيرات الفسيولوجيه من اجل شيء غير مادي او فيزيائي قد يؤثر تباعا في خلل وظيفي حاد ولا يمكن التحكم به او التعافي منه بالعلاجات التقليدية ككل المشاكل الجسدية ...   يقول كارل يونج   مؤسس علم النفس التحليلي : أن الفرد الذي يتعرض لصدمة .. قد يفقد توازنه لفترة ما ، ثم قد يستجيب لها بنوعين من الأستجابة : الأولي : النكوص إلى الماضي لإستعادته والتمسك به تعويضا عن واقعه المر ، فيصبح إنطوائيا (إستجابة سلبية). والثانية : تقبل هذه الصدمه والإعتراف بها ثم محاولة التغلب عليها ، فيكون فى هذه الحالة انبساطيا (إستجابة إيجابية) ... فالاستجابة هنا يقصد بها المشاعر او العواطف الاساسيه وهي   الفرح والحزن والغضب والخوف والدهشة والاشمئزاز ...   اختلفت مدارس العلماء فى اصدار تعريف محدد للمشاعر فمنهم من عرفها بأنها رد فعل طبيعي للانسان نتيجة الحكم الن...
قراءة المزيد